Monday, 6 December 2010

Surat Cinta dari Mek Na kepada Abe Kob

Assalamualaikum..
kehadape Abe Kob ye di sayengi..
apo kaba Abe Kob ssano? Na haghak Abe Kob sihak sokmo bersamo Tok Cek nge Tok Nik Abe Kob. Tujue Na bui sughak ni ko Abe Kob buke ggapo. Lamo bena doh ghasonyo tok denga kaba Abe Kob. Make paka stagho mano? Duduk bangung sapo jago. Na bimbe jugok doh bbunying baghu ni Abe Kob keno tepuh ko kkheto ggalo dale ghelung tbaka. Knalin Na mulo-mulo denga bghito. Nok gi kea mugo jauh. Pah tu pulok kenaike kok alik ni pun payoh nok bbulih. Dgheba kheto pulok pakak wak mogok bkali skak minyok Disey naik saghi duo nih. Nnengung jugok Na mmikir. Hola stakak bbalah bbalah meseh gitu jahla scaghok. Pahtu senyak sapa ko arini takdok bghito lasung nah.
Abe Kob jolo ko ni nok ggewe lagi ngw Na? Abe Kob ni supo main-main jah. Dah mugo aritu Na ajok jjupo KB Mall Abe Kob tok gi. Pah cceghoh Na tunggu. Sohko bate idung, baye-baye Abe Kob pun tok napok. Kalu idung tu macung bla la jugok. Ni idung kepek po keno jighik ko kheto ggiling. Hehehe. Jange la mughih deh. Na tau Abe Kob takut kalu kito dok bgheke po blakah. Takpola mugo aritu Na bowok Mek La gi skali. Mek la hok dok ttepi ghumoh Na tula. Hok ddepe ghumoh dio ado pokok pauh epo. Na pn tau hukung hake. Kalu berduo-duoe gak ado hok nombor tigo yakni sete. Cikgu pun dok pese sokmo doh maso ngaji skoloh. Hare pege-pege tange ttino jate hok buke muhrim. Tok Ayoh pun dok ghoyak smace. 
Abe Kob ingat dok dulu maso kito skelah jah ne? Na kea duk blake Abe Kob. tok siak khijo hok cikgu bui, Na ghelo bui sughuh Abe Kob tighu. Buke ggapo. Na ssie tengok Abe Kob keno pia'ccikgu haghi-haghi. Nok kato Abe Kob bodo kea lamo takut ssegho hati. Pah ado ttiko-ttiko kalu Abe Kob nok pinje ghoba ko kale ko,Na ghelo bui pinje. Tapi sokmo Abe Kob wak pghile. Takpola demi kasih saye ko Abe Kob, Na bli koperasi 20sen so. Abe Kob suko. Pahtu kito pung ppakak suko. Abe Kob sapa tguling-guling nah atah lata dale kelah. Memela gigi depe Abe Kob takdok scopey tapi Na bgehi bna kelih Abe Kob suko. Tok tahu jugak bakpo. Maso tu lah Na ghaso jatuh hati nge Abe Kob . Stat pado situla Na saye ko Abe Kob. Ibaghak kato sghupo mnate minyok hok penuh litir. Ado jugok oghe hok nok tra ngeceh Na tapi rijek blako. Mmato Nna Abe Kob soghe jah. Jak pado haritu sapa ko skoloh mnengoh meme Na tok kheling kokghe lain. Bia lah oghe ggela Abe Kob po'ko skalipun tapi Na tok kelih pado ghupo paghah. Na kelih pado peel pghanga. Hati Na doh di cughi oleh Yaakob bin Hj Stopa.
Tapi lolloni Abe Kob mace lain jah Na ghaso. Tok sghupo mulo. Meseh tok balah. Talipong tok akak. sebak tu Na bui sughak ni ko Abe Kob. Nok mitok kato putuh. Kalu saye wak la cagho saye. Kalu tok saye gak biala Na bebah mace bughung-bughung hok tghebe dilangik tinggi. Na tok sey jjadi tok macung tapi pipi pulok ssoghong. takpo stakat ni la dulu Abe Kob deh. Tok Ayoh dok klo doh tu. sughuh gi heghek kuba pakblah eko ppade wat masuk dale ggok. takut de gelak kea banyok sete dok glewa' taing-taing goghik. siak-siak mandi kakghe pah nok bbco buku pulok. Tok lamo doh tu nok SPM.
Ikut la Abee kob nok balah ko tokse sughak na. hok peting Na nok tau jawape Abe Kob. blah mano cagho nok kehey tu na paka seghoh ko abe Kob. nok meseh ko nok talipong ko ikutlah. sekie wassalam.
 sayemu,
Mek Na.
Korang semua ni paham tak dia cakap apa?? Aku yang duduk kt besut pun kena ulang 4-5 kali baru boleh paham perkataan tu. Hahahah.. Lawak sungguh laaa.. Aku ambik benda ni kat facebook. Semoga surat chenta Mek Na ini terbalas. Kesian kat Mek Na.. Menderita bagai dia weh... MySpace. Kalau sesape yang tak paham, suruh uncle google translate kan.. Hahaha.. Mampu ke google translate??? Jam laa laptop hang pa semua. Hahahah..

7 comments:

  1. ayoooo.. sumpah pening kowt baca surat nii.. elok2 aku x saket kepala, skang tetiba rasa saket kepala.. huhu..

    ReplyDelete
  2. aq dapat baca perangkap pertama ja wehh pening tetiba baca

    ReplyDelete
  3. ZWAN SABRI :: hahahaha... tu baru nak mengeja.. kalau nak faham lagi susah ...

    ReplyDelete
  4. Anuar Al-Ameen :: taw xpe... pronountn fail ok!!

    ReplyDelete
  5. hamihemo:: aik..takkan laa anak jati kelantan pun pening!!!

    ReplyDelete
  6. mcm bca artikel BI, setengah fhm setengah x. =)) haha

    ReplyDelete